KHANDELA ubukhobotjhani, ubukhohlakali, ubulelesi nokuziphatha kumbi
Lilisela kilenomboro: 0800 200 821
UmNyango uhlome ihlelo lomtato wasimahla wamajamo arhabako, ongaliliselwa sikhathi soke nakubikwa ubukhobotjhani nanyana ukuziphatha kumbi, okungaba khona.
Nanyana kwenzeka bona ukhethe ukuveza igama lakho ngesikhathi ubika, ilwazelo kunye nokobana ungubani wena, kuzakuhlala kuyifihlo. Lomtato wamajamo arhabako uzakusebenza qobe kulilanga enyakeni, begodu sikhathi soke. Ukulilisa akubizi litho begodu umuntu angalilisa asebenzisa umtato womphakathi nanyana wekhaya, ngaphandle kokubhadala ilitho.
Ihlelweli lomtato wamajamo arhabako lenzelwe ukuphuhlisa ikambiso yokusebenza ngokuthembeka begodu nokupha abasebenzi indlela yokubika ebuphathini obuphezulu, ukungasebenzi kuhle okungaba khona emNyangweni.
Leli yithuba lakho lokurhelebha ekukhandeleni ubukhobotjhani, ubukhohlakali, ubulelesi kunye nokuziphatha kumbi, okufana nokutlhoriswa ngokobulili, kilomNyango.
Lomtato usebenza ngalindlela:
Igadango 1:
Betha inomboro: 0800 200 821
Igadango 2:
Ungahlala ungavezi igama lakho ngesikhathi ulilisa kodwana yenza isiqiniseko sokobana unikela loke ilwazi kunye nemininingwana (ubani, kuphi, njani kunye nezinga lokubandakanyeka) emuntwini ozakuphendula umtato.
Igadango 3:
Uzakunikelwa inomboro yesitjengiso. Ibulunge njengefihlo njengombana uzayitlhoga nangabe ufuna ukulilisa godu wethula eminye imininingwana nanyana ubufakazi.
